Mgombea ubunge Kingwendu katumia dk 4 kuyasema haya ya mwisho…

Muigizaji Kingwendu ni miongoni mwa mastaa ambao wamechukua headline za kugombea ubunge kwenye uchaguzi mkuu 2015 kama Afande Sele, Profesa J,muigizaji Frank na wengine. Mchekeshaji na muigizaji Kingwendu anagombea ubunge kwenye jimbo la Kisarawe mkoa wa Pwani kupitia tiketi ya CUF, Kingwendu hakuwahi kusikika kabisa tangu kampeni zianze sasa kabla jumapili haijafika leo amekaa na sisi kwenye exclusive na millardayo.com.

‘Tangu kampeni zianze huku hali ni nzuri na nina faida kubwa ya kushinda sasa hivi wazaramo wameamka wanataka mabadiliko, muda mrefu wamewapa umaskini wamewadharirisha na wamewanyima elimu lakini mimi huku nimewafufua vizuri wamenielewa na mikakati yangu watu wamenielewa vizuri na wako tayari kupiga kura kwa Kingwengu’- Kingwendu

‘Nitakapo ingia bungeni sitofanya kazi ya uchekeshaji kazi iliyonileta bungeni ni kutetea wananchi, kuwaletea maendeleo na kufuta kero zote za wananchi si vyema tena kuingia kwenye majukwaa na kukata viuno kwa kuwa tayari nitakuwa mheshimiwa, Nitakapo kuwa bungeni nitaepukana na ile sauti niliyokuwa naitumia katika sanaa nitakuwa na sauti ya kawaida nitajenga hoja za msingi ninataka kutoa mfano kwa viongozi waliopita Kisarawe habari ndio hiyo’- Kingwendu