Hiki ndicho kitakachofanya African Sports wasirudi Tanga kupiga kura

Licha ya kuwa shirikisho la mpira wa miguu Tanzania limesimamisha Ligi weekend hii kwa sababu ya kutoa fursa kwa wachezaji na mashabiki wa soka kupata nafasi ya kupiga kura siku ya Ocober 25. Kama ambavyo imeelezwa kuwa kila mtu anatakiwa kwenda kupiga kura katika kituo alichojiandikishia, wachezaji wa African Sports ya Tanga hawawezi kupiga kura.

Uongozi wa African Sports kupitia kwa mwenyekiti wake Ahmed Bozinia amethibitisha kuwa hawawezi kusafirisha timu kwenda kupiga kura Tanga halafu wairudishe timu Mbeya ili icheze mechi yake na Tanzania Prisons. Afrcan Sports ilicheza mechi dhidi ya Mbeya City na kupoteza kwa goli 1-0, hivyo inasubiri kucheza mechi na Tanzania Prisons alhamisi ijayo.

Kikosi cha African Sports

“Wachezaji wetu walijiandikisha Tanga, lakini hatuna bajeti ya kwenda Tanga kupiga kura na kurudi Mbeya tena kwa ajili ya mechi. Tumeona ni heri kupoteza upande mmoja kwa ajili ya maslahi ya upande mwingine. Alhamisi tuna mchezo na Prisons jijini Mbeya City, hivyo tumeona tusubiri huku huku ili kupunguza gharama,” >>>Ahmed Bozinia